*لحظات تسوي لنفسك "Pause"
للوقت وللمخ وللكون كله ، فقط يبقى صوت نبض عروقك...
تسأل نفسك أنت وين وشقاعد تسوي وشقاعد يصير ووين رايح ...!!
مبين ان بوصلتك "مخرفة" يمكن مر عليها مجال مغناطيسي كهربها أو مر عليها اعصار نزع عقاربها
الساعة 13:00 " بعز" الظهر :
تطلع من مكتبك...تصير باربيكو ...الشمس من فوقك والإسفلت الملتهب تحتك...
ترتفع حرارتك أكثر..تغلي...تذوب...وتتبخر
إتلاحق نفسك ترجع للمكتب...يلفحك هوا التكييف البارد...تثلّج...يغطيك الصقيع...تتحول الى جليد...لو ترتطم بأي شي...بتتكسر..بتتفتت..
شقاعد يصير...وين رايح...مادري؟!!
*وليد الأحمد...بو مبارك طاريني اليوم بمقالك في جريدة "الوسط" والأوضاع مقلوبة....خير اللهم أجعله خير ...أوه وطاري بو علي حسين اليوحه بعد...رحنا فيها ...ليش ميمعنا بمقالك جذي ...؟؟؟
الناس تسألني ..بعضها يهاجم وبعضها يثني ...وأنا أحس بشفايفي تتحرك ..يعني قاعد أتكلم وأرد على الناس بس شفيني مو قاعد أسمع شقول...؟!
بس أدري بو مبارك دوم قلبه على الكويت ومن حرصه كتب اللي كتبه....
*حاله غريبة.....صج "Pause "
لازم اضغط play ونرجع للواقع...ونكمل المشوار.....
الساعة 18:49
* تغيب الشمس....تحتضنها الصحاري وتلحفها السما....يخف الحر...يهدا الكون....
صمت و سكوت وسكون.....ويرتفع صوت ...."الله أكبر....الله أكبر"....
تهدا النفوس ......
لا اله الا الله محمد رسول الله......أمسينا وأمسى الملك لله.
No comments:
Post a Comment